Pamje të trishtueshme nga cermonia m*rtore e Shpatit! Nëna dhe bashkëshortja të copëtuara, qajnë me të madhe

Familjarë, miq, kolegë dhe të shumë prej atyre të cilët u rritën me këngët e Shpat Kasapit, janë mbledhur këtë të të diel në Pallatin e Kulturës në Tetovë për t’i dhënë lamtumirën e fundit një artisti i cili iku nga kjo jetë në mënyrë të parakohshme, atëhere kur askush nuk e priste, duke lënë pas një dhimbje të madhe.

Të shumtë janë ata qytetarë, por dhe artistë, mes tyre dhe Dafina Zeqiri të cilët kanë udhëtuar drejt Maqedonisë së Veriut për të nderuar figurën e një artisti si Shpat Kasapi.

Siç shihet dhe në pamjet e mëposhtme nëna e Shpatit dhe bashkëshortja e tij, Selvia, të shkatërruara nga dhimbja dhe me zemrën e ndarë në dysh janë duke pritur ngushëllime dhe shtrënguar duart me të gjitha ata që po bëjnë homazhe pranë arkëmortit me trupin e pajetë të artistit.

Shpat Kasapi u nda nga jeta më 26 nëntor në Itali. Lajmi për ndarjen e tij nga jeta “theu” zemrat e miqve, kolegëve, e të gjithë atyre që u rritën, qeshën e qanë me këngët e tij.

Në kohën më të bukur, kur familja e tij ishte bekuar me ardhjen e Roelit dhe se i vogli kishte nevojë më së shumti për të atin, zemra e Shpatit u tregua “tradhtare”, pushoi së rrahuri duke lënë kështu një zbrazëti të madhe pas.

Momentet e fundit ai i kaloi pranë Selvies, bashkëshortes së tij të cilës i kishte premtuar që do ta donte deri në vdekje dhe Roelit, pasi të tre ndodheshin në Itali për kurimin e birit të tyre i cili ende nuk kishte arritur që ta thërriste “babi”.

Ka qenë miku i Shpatit, ai i cili e shoqëroi në spital, por që për fat të keq ishte tepër vonë për këngëtarin dhe mjekët nuk mundën që ta rikthejnë në jetë. Ai ka treguar se në momentin që ka ndërruar jetë, sytë e tij shkuan nga djali të cilit donte t’i thoshte diçka, por që nuk mundi.

Si djaloshi dhe artisti guximtar, ai arriti që të shënonte me gërma të arta emrin e tij. I lindur më 1 maj 1985 në Tetovë, ai u rrit në një familje me traditë muzikore.

Karriera e tij nisi në fillim të viteve 2000, ku shumë shpejt u bë një prej idhujve të rinisë me stilin e tij modern.

Kudo në trojet shqiptare, ku flitet shqip, Shpati solli projekte muzikore të cilat kanë ngelur në memorien e të gjithëve, këngë si “A më do?”, “Valle Kosovare”, “Dashni pa limit”, “Aroma e saj”, e shumë të tjera.